Bari – Alberobello – Taranto – Zoo Safari

Takimi me grupin tek stacioni i trenit në Durrës në orën 19:00. Prezantimi me itinerarin dhe përgatitja për tu imbarkuar në tragetin e linjës Durrës – Bari. Mbas procedurave të kalimit të kufirit imbarkohemi dhe sistemohemi në traget.
Mbrëmjen mund ta kalojme në një nga baret e anijes.

Mbërritja në portin e Barit në mëngjes dhe nisja për në qytetin karakteristik të Alberobello-s. Alberobello është e famshme për shtepitë karakteristike të quajtura “trulli”, të ndërtuara në formën e piramidave konike me gurë të limuar të zonës. Është një aderti prehistorik i cili akoma përdoret në këtë zonë. Është pasuri e UNESCO-s. Përgjatë të gjithë shëtitjes në këtë qytet kemi shumë mundesi për souvenire të ndryshme.
Më pas i drejtohemi qytetit bregdetar të Tarantos. Me një shtrirje detare prej 140 km, Taranto është një nga qytetet e rajonit të Puglias që tërheq turistë gjatë gjithe vitit, sidomos në periudhën e nxehtë të verës. Në Taranto do të vizitojmë:

> Qytetin e Vjetër
> Muzeun Arkeologjik i Tarantos
> Kalaja Aragonesë ose e njohur ndryshe si Castel Sant’ Angelo
> Katedralen e qytetit
> Shëtitje me anije nëpër të dy detet, deti i vogel dhe deti i madh (fakultative)
> Ura e rrotullueshme

Në mbrëmje sistemimi në Hotel dhe në orët e vona nate e organizuar në një nga clubet më të bukura të zonës.

Pas mëngjesit në hotel nisemi për në parkun e argëtimit “Zoo Safari” ku vizituesit mund të admirojnë natyrën e egër. Një udhetim që zgjat për rreth 3 ore brenda në xhungël ku te gjitha kafshët janë të lira të afrohen pranë jush dhe të fotografohen.
Mbas kësaj vizite që të lë pa frymë i drejtohemi një nga qendrave tregtare më të mëdha të zonës per tu shlodhur dhë për të bërë shooping. Këtu mund të përfitojmë dhe për të drekuar. Në mbrëmje i drejtohemi përsëri portit të Barit për të kryer procedurat e imbarkimit dhe sistemimit në traget.

Mbërritja në portin e Durrësit në mëngjes.